eine histoire bin Ch'ti

Salut tizotes !

Z'allez pas croire, ché bin eine histoire, mais ch't'eine histoire vraie pusqu'elle a concerné quéqu'un dé m'famile.

Cha s'est passé durant l'hiver 41 ou 42 (j'ai pu souv'nir exact). Ch'tram Valenciennes Saint Amand y'to bondé d'ouvriers réquisitionnés quand à l'arrêt du Petit-Paris, v'là eine dondon survitaminée qui grimpe pa ch'porte du miyeux ingoncé din z'eine fourrure de star du ciné. Ch'tram l'avo pas fait deux chin mètes qué ch'wagon y fleurot l'cocotte pis qu'din ché boxons pou Teutons.

A vire tertous arnifler, ch'dondon elle sé ringonsse comme un paon et dit; "Pure zibeline de Sibérie. Un cadeau de mon chéri. Et le parfum, c'est Soir de Paris à 150 francs le flacon"...  

Tous ché pauf'gins y font semblant dé n'pas avoir arniflé l'odeur du marché noir à tin arracher ché poils du nez...  Ch'tram l'avo pas fait deux chin mètes ed pus qué ch'gros Marcel y décolle eine cuiche dé ch'banquette ein bo et qui t'in invoie eine musclée d'chez musclé, comme celle d'ein k'viau gavé au picotin, et qui fleurot tout autin grandmin.

L'nez dé ch'gravosse y frippe comme ch'ti d'ein tchin in rache et elle sé met à souffler tout autant qu'un k'vau aussi.

Ch'gros Marcel sans s'démonter il y dit; "Fleur d'haricots. Vingt centimes du kilo. Cha vient du gardin d'min biau-père"".

Cha s'passe ein tcho ko pu tard. Ein fait, après lch'libération éd'Dunkerque qui, comme chacun sait, a ein tcho ko tardé.

Ch'vielle Angèle étot bin imbêté parch'qu'elle avo cassé é'ch'seul paire ed leunettes qui l'y resto. Elle s'in va donc parmi les ruines et les carcasses ed'carettes brûlées cacher après sin sauveur. Tertous l'sait p't'ête nin, mais à ch't'époque, les survivants zétotent putôt accagnardés din ché caffes parce qu'y'avo pu grandmin ed baraques ed'bout. Pou ché gins, comme pou tous ché commerces et autres bureaux ed toutes sortes, chéto article vingt-deux, chacun y s'démerte comme y peut.

A un carrefour, v'là not Angèle qui ké ed'vant un pauf jonne trouffion tout dro débarqué ed' Clermont-Ferrand.

"Bonjour min tcho. Te sauro pas dusqu'é j'peux trouver un zieuteu, des fos ?"

Interloqué, ch'bidasse y n'sait né quoi trop réponte, pas d'pus ein Français académique qu'ein patois Bougnat pasqué cha n'fait qu'tros jours qui est là. Et cha s'vo. Minme pou ch't'Angèle qué complèt'min miro. Du ko, d'vant ch'ti qu'elle print pour un Amerlo à causse dé ch'tuniforme, elle sort dé ch'poche ché leunettes cassées ein s'disant qu'un tcho exemple ché pu sur qu'un long discours, seurtout pou ché éstringés.

"Ah ! Vous voulez dire un oculiste ?" S'exclame ch'trouffion tout contint dé n'point passer pour un con ed'vant ché zindigènes.

"Commin cha ein oculiste ?! S'énerffe Angèle... Ché pas Djeu possip ed'vire des gamins aussi peu respectueux des anciens ! Ché pas à min cul qu'j'ai maux, ché à mes zi !...  j'ai point hémorroïtes, boubourse, ché un glaucome qué j'ai !"